抗拒珍珠奶茶嘅荷蘭人
IG: @ally_blahblah
https://instagram.com/ally_blahblah?igshid=1jtemurbno3q7
華人熱愛嘅珍珠奶茶，居然用咗好幾年先打到入荷蘭市場。點解呢？
話說剛的到荷蘭嘅時候，當然賣珍珠奶茶嘅地方唔太多。就算有，都係質素一般花款唔多。
筆者試過有一次去英國出差，要特登搭遲一班機返荷蘭，就係為左要去唐人街買杯好飲嘅奶茶。
「有冇咁誇張啊？」絕對有！
事緣係唔少荷蘭人接受唔到珍珠奶茶。點解呢？
對於荷蘭人來講，飲品就係飲品，嘢食就係嘢食。佢哋會覺得，「點解要係飲品入邊加嘢食呢？」
飲品入面有嘢食係一個令一般荷蘭人好難接受嘅概念。加上珍珠嘅「質感」太少見，唔係個個都接受到。
讀碩士嗰年，有一次帶咗班上邊十個八個同學一齊去飲珍珠奶茶，結果有一半人好鍾意，另一半人好抗拒。鍾意果一半人，本身已經試過珍珠奶茶，或者曾經去過亞洲國家做交換生，所以接受到。而唔鍾意嘅另一半，全部都係第一次試嘅人。
不過，過去大半年，開始見到大城市入邊多咗珍珠奶茶嘅選擇，質素亦開始上升，更多咗本地年輕人飲。唔係講笑，好興奮！唔使再等下一次去英國嘅唐人街飲珍珠奶茶啦，哈哈！
#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工
Search